jump to navigation

لسا… الفرنجي برنجي 25 مارس 2010

Posted by mauriceaaek in مني... الك..
Tags:
trackback

المكان: مقهى بدمشق القديمة

الزمان: عشرة ونص الصبح

الشخصيات: بنت اجنبية بتحكي عربي مكسر، مدير المقهى، كارسون، وانا.

المشهد الأول:

البنت الأجنبية خلصت فطورها وطلبت الفاتورة. فاجأها الكارسون بأنو المقهى ما بيقبل الدفع ببطاقة الائتمان، وادعت انو ما معها مصاري يكفي…!

ارتبك الكارسون.. وما عرف شو يعمل….. فطلبت منو الاجنبية الانتظار لنص ساعة لحتى تروح تجبلو حسابو وترجع.

ارتبك الكارسون اكتر وما عرف شو يعمل.. بس بالأخير وافق على مضض.

طلعت البنت الاجنبية بسرعة وقالتلو باي.

المشهد الثاني:

النقاش يدور حولي لمدى ساعة بين الكارسون ومدير المقهى…

+ ما رح ترجع.. راحت علينا

– رح ترجع لا تخاف

+ مارح ترجع حسابها 500 ليرة!

– رح ترجع رح ترجع… هي اجنبية .. لأنها اجنبية بترجع

+ يعني شو دخل أجنبية.. ليش الاجنبية بترجع والعربية ما بترجع

– ايه لو عربية بقلك يمكن ما ترجع بس هي اجنبية بترجع

+ على أي حال اذا ما رجعت بدك تدفع الـ 500 ليرة من حسابك

– من حسابي؟ … العمش معقولة ما ترجع!؟

المشهد الثالث:

رجعت بعد ساعة ودفعت الحساب وانفرجت اسارير المدير والكرسون.. وبعد اعتذار شديد عن التأخير صار الكرسون يعتذر منها، وبعدما راحت لسا النقاش ما خلص

– شفت شلون رجعت… لأنها اجنبية قلتلك بترجع

+ يعني رجعت مظبوط بس لأنها هي أكابر مو لأنها اجنبية، ويمكن حبت المكان وبدها تجي عليه كتير.. بس انت ليش كنت عم تعتذرلها؟؟

– اعتذرت منها لأنو شكيت فيها.. انت شككتني فيها.. بس أنا ما كان لازم شك.. هي اجنبية وانا متأكد انو بترجع

+

+

+

Advertisements

تعليقات»

1. Yassin - 25 مارس 2010

رهيبة عقدة الخواجة !!

طولت علينا الغيبة

mauriceaaek - 25 مارس 2010

شكرا للاستفئادة… غرقان بشغل

2. دعدوشة - 4 أبريل 2010

كعقدة الحبل قاتلة هالعقدة

3. جارة القمر - 6 مايو 2010

يمكن لأن هي أجنبية فعلا رجعت

واحتمال أكبر لشدة خذلان العرب لبعضها البعض ولد هذه الفكر

موجعة واكثر

4. zainab - 15 مايو 2010

العربية محا ترجع لأنو بتعمل حالها حربوقة وحسنت تتضحك عليه وبتروح بتألف قصص يتحكيهون لرفقاتها أنو اضحكت عليه ومافي حدا بيحسن يضحك عليها وبغمزة وحدة خلتو بالأراضي….الخ


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: