jump to navigation

من عادل إمام… إلى ثورة 25 يناير 20 فبراير 2012

Posted by mauriceaaek in في الميدان.
Tags: , , , ,
trackback

مشهد 1

حين علم سائق سيارة الأجرة التي أقلتني من المطار، أنها زيارتي الأولى للقاهرة، سألني باهتمام: هل تشاهد أفلام عادل إمام؟ قلت له: نعم.

وقبل أن أكمل الـ (نعم) انطلق بالسيارة يتحدث ويشير إلى كل شارع نمر به أو مبنى نمر بقربه:

بُصّ يا بيه… تحت الكوبري ده عمل عادل إمام فيلم الحريّف… في الشارع ده صور فيلمه بتاع طيور الظلام… بُصّ يا بيه… في العمارة الكبيرة دي صور فيلم اسمه اييه.. الارهاب والكباب.. أه اصل العمارة دي هي مجمع ميدان التحرير… وفي آخر الشارع ده المرسح اللي بيعرض فيه حضرتك…

كان ذلك منذ خمس سنوات… اليوم وفي زيارتي الثانية للقاهرة، بادرني سائق الأجرة بالسؤال: بتشوف تلفزيون حضرتك؟

قلت له نعم…

بُصّ يمين حضرتك.. في القهاوي دي بيعد شباب الثورة… بُصّ يا بيه بُصّ.. أهو همّ دول شباب الثورة.. شوف يا بيه الميدان ده.. ماهو أصلي هو ده ميدان التحريييير.. الخيم اللي فيه بيعد فيها شباب الثورة برضو… أصلي ده اعتصام. شايف المبنى الكبير ده.. ده مبنى الحزب الوطني اللي اتحرق في الثورة. وده المتحف المصري اللي حموه الشباب من البلطجية.. بص شمال حضرتك.. ده الشارع اللي جيه منه البلطجية على الجمال .. فاكر المشهد ده حضرتك…

يااااه.. نسيت اوريك مطار الماظا، المطار اللي هرب منه حسني مبارك يوم ما اتخلع السنة اللي فاتت…

 

مشهد 2

تراجيديا الثورة لم تتقدم على كوميديا عادل إمام في أحاديث سائق الأجرة فحسب، بل تصدرت (عناوين المرحلة) أيضاً واجهات بيع الكتب على الأرصفة حول ميدان التحرير.

كارت أحمر للرئيس، حكم آل مبارك، هل أخطأت ثورة يناير؟، لكن للكوميديا مكانها أيضاً ففي عمق بصطة الكتب يطالعك عنوان: مئة نكتة عن السيد الرئيس…

 

مشهد 3  

بائع مصري يتحدث على الهاتف: أيوا أيوا عاوز اكتب عليها حرية وبس… لا لا مش حورية.. اسمعني.. حريّة حريّة.. حريّة دي بتعت الثورة… حريّة ياراجل.. أيوه.. ومعها كلمة وبس.. أيوا تبقى حريّة وبس.

 

مشهد4

يفاخر بائع مصري بسيط بأن نواب البرلمان الجدد في مصر اعتبروا في نقاشهم داخل البرلمان أن الشأن السوري يهم المصريين… ورفضوا اعتباره شأناً خارجياً  لا علاقة لهم به… البائع المصري البسيط أصرّ أنه لم يتابع أبداً جلسات مجلس الشعب المصري في حياته قط، إلا أنه بدأ في المتابعة هذه السنة فقط.

 

مشهد 5  

معظم من قابلتهم ممن تحدث أو كتب عن الثورة المصرية تحدث وكتب عنها معرفاً إياها بـ الـ التعريف، ودون نسبها إلى التاريخ.. الكل يتحدث عن الـ ثورة… (the revolution) .. وحده بائع الفول والفلافل في ميدان التحرير ميّزها بالخط العريض بـ (ثورة 25 يناير)

 

مشهد ليس أخير أبداً…

بص… ما تروحش لميدان التحرير بالليل.. علشان المشاكل.. ويعني لو رحت بالنهار ياريت تاخد حدّ معاك.

Advertisements

تعليقات»

1. amyothman - 1 مارس 2012

رائعة

2. رمزيات بكاء 2013 - 10 مارس 2012

مقال جميل
شكرا لك اخي


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: